XIX yüzilliyin sonlarında kapitalizmin inkişafı nəticəsində müxtəlif sahələrdə baş verən dəyişikliklər Azərbaycanın mədəniyyətinə də ciddi təsir göstərmiş və xalqın mədəni inkişaf sferasına istiqamətlənməsinə şərait yaranmışdı. Bu dövrdə çarizmin riyakar siyasətinə baxmayaraq, rus mədəniyyətinin nümayəndələrinin təsiri nəticəsində Azərbaycanda maarifçilik inkişaf edirdi.  Maarifçiliyin inkişafı nəticəsində dini təhsil sistemindən dünyəvi təhsil sisteminə keçid gücləndi.

XIX əsrdə Azərbaycanda yeni  tipli  məktəblər meydana gəldi və inkişaf yoluna qədəm qoydu. Məktəblərin təsiri və maarifin inkişafına cəhd baxımından Azərbaycanın Qarabağ bölgəsi, nəinki Azərbaycanda, eləcə də, Cənubi Qafqazda, demək olar ki, ən ilkin yeri tuturdu. Bu ənənə XIX əsrin sonlarında daha da güclənmişdi.

31 avqust Qubadlının işğalı günüdür
Qubadlının işğalından 14 il ötdü. Bu illər ərzində qubadlılılar minbir müsibətlərə tab gətirərək dözdülər, yaşadılar. Ən əsası isə rayonun əksər icra strukturları qorunub saxlanıldı. Rayonun təhsil şöbəsi də Sumqayıtın və Bakının müxtəlif guşələrində məktəblərin fəaliyyətini bərpa etdi. Hətta bir il belə məktəblərdə dərslər dayandırılmadı. Və bu gün bu strukturda olan məktəblərin fəaliyyəti davam etdirilir.