Sözümüz Budur
Burada çalışacağıq ki, həm müxtəlif xatirələrimizi yazaq, həm sizden gələn maraqlı faktları, xəbərləri və informasiyaları xalqa çatdıraq. Biz böyük ölçüdə Qubadlının rəsmi saytını yaratmaq istəyirik. Bu işdə bizə hər cəhətdən kömək edən vətənpərvər insanların həm maddi, həm də mənəvi köməyinə ehtiyacımız var. Bizə Qarabağa aid xatirələrinizi yazıb göndərin ki, onları burada yerləşdirək. Bundan bashqa şəxsi ailələrə aid şəkilləri, indiyə qədər gündəliyimdə olan bəzi qeydləri sizinlə paylaşacağam. İradlarınıza, tənqidlərinizə, şərhlərinizə daima ehtiyacımız var. Gəlin bir olaq, birlik olaq. Allaha ibadət edən qullardan olaq.
Mən Həsənov Əkrəm Bəhram oğlu, 1986-cı ildən şer yazıram. Yazdığım şerin çoxu Qubadlıda əsir qaldı. Şəhərə gələndən sonra da şer yazmağı dayandırmadım. Yadıma düşür əvvəl mən Qubadlı rayonunun Çaytumas kəndində olanda hərdən elə bil ki, bizim indiki bu şairlər deməli mənə şer yazmaq üçün ilham gəlirdi. Buna “təb” də deyə bilərəm. Çünki hərdən həqiqətən də şerin təbi gəlirdi və qələmi əlimə alırdım. Yazırdım. İndiyə qədər yadımdadır ki, mənə kənddə çox insanlar şair deyirdi. Bizim yaxınlıqda bir tanıdığım var idi, həmişə məni görəndə deyərdi ki, “şair nə tez qocaldın sən”. Təbii ki, bunlar kimisə maraqlandırmaya bilər. Mən maraqlanıb oxuyanlara deyirəm ki, mənim şerlərimi toplasan sayı-hesabı olmaz. Davamı...
Salam aleykum. Əziz və dəyərli dostlar! Biz hələlik son vaxtlar blogu yeniləmədik və bu da nəticədə blogumuzun ziyarətçilərinin azalmasına səbəb oldu. Əvvəllər hamınız bu bloga daxil olur və yazıları oxuyurdunuz. Dəfələrlə biz bildirdik ki, bizim Qubadlının saytını yaratmağa böyük ehtiyacımız var. Ona görə ki, haqsız olaraq torpaqlarımız işğal altındadır və biz dəfələrlə bu məsələni qeyd etdik ki, ermənilər öz batil iddalarını yaydığı halda biz də oturmadan öz haqq iddiamızı yaymalı və dünya səviyyəsində bu barədə təbliğat aparmalıyıq. 
